علامہ اقبال کے کلام سے منتخب اشعار (الف۔۔۔سے۔۔۔ی۔۔۔تک)

علامہ اقبال کے کلام سے منتخب اشعار

(الف۔۔۔سے۔۔۔ی۔۔۔تک)

مرتب: احسان احمد کے، وانمباڑی (تملناڈو) 

الف

ایک ہی صف میں کھڑے ہوگئے محمودوایاز

نہ کوئی بندہ رہا اور نہ کوئی بندہ نواز

       

ب

باطل سے دبنے والے اے آسماں نہیں ہم

سو بار کرچکا ہے تو امتحاں ہمارا

                    

پ

پاک راکھ اپنی زباں، تلمیذ رحمانی ہے تو

ہو نہ جائے دیکھنا تیری صدا بے آبرو

      

ت

تو ہی ناداں چند کلیوں پر قناعت کرگیا

ورنہ گلشن میں علاج تنگئی داماں بھی ہے

      

ٹ

ٹل نہ سکتے تھے اگر جنگ میں اڑ جاتے تھے

پاؤں شیروں کے بھی میداں سے اکھڑ جاتے تھے

     

ث

ثبات زندگی ایمان محکم سے ہے دنیا میں

کہ المانی سے بھی پایندہ تر نکلا ہے تورانی

    

ج

جلال پادشاہی ہو کہ جمہوری تماشا ہو

جدا ہو دیں سیاست سے تو رہ جاتی ہے چنگیزی

    

چ

چمن زار محبت میں خموشی موت ہے بلبل

یہاں کی زندگی پابندئی رسم فغان تک ہے

     

ح

حرم پاک بھی، اللہ بھی، قرآن بھی ایک

کچھ بڑی بات تھی ہوتے جو مسلمان بھی ایک

     

خ

خودی کو کر بلند اتنا کہ ہر تقدیر سے پہلے

خدا بندے سے خود پوچھے، بتا تیری رضا کیا ہے

     

د

دل سے جو بات نکلتی ہے اثر رکھتی ہے

پر نہیں، طاقتِ پرواز مگر رکھتی ہے

    

ڈ

ڈھونڈتا پھرتا ہوں اے اقبال اپنے آپ کو

آپ ہی گویا مسافر آپ ہی منزل ہوں میں

     

ذ

ذرا تقدیر کی گہرائیوں میں ڈوب جا تو بھی

کہ اس جنگاہ سے میں بن کے تیغ بے نیام آیا

     

ر

راز حیات پوچھ لے خضر خجستہ گام سے

زندہ ہر ایک چیز ہے کوشش نا تمام سے

     

ز

زائران کعبہ سے اقبال یہ پوچھے کوئی

کیا حرم کا تحفہ زمزم کے سوا کچھ بھی نہیں؟

     

س

ستاروں سے آگے جہاں اور بھی ہیں

ابھی عشق کے امتحاں اور بھی ہیں

    

ش

شعور و ہوش و خرد کا معاملہ ہے عجیب

مقام شوق میں ہیں سب دل و نظر کے رقیب

     

ص

صفحۂ دہر سے باطل کو مٹایا کس نے

نوعِ انساں کو غلامی سے چھڑایا کس نے

    

ض

ضمیر لالہ مئے لعل سے ہوا لب ریز

اشارہ پاتے ہی صوفی نے توڑدی پرہیز

    

ط

طلوع ہے صفت آفتاب اس کا غروب

یگانہ اور مثال زمانہ گوناگوں

     

ظ

ظاہر کی آنکھ سے نہ تماشا کرے کوئی

ہو دیکھنا تو دیدہ دل وا کرے کوئی

    

ع

عقابی روح جب بیدار ہوتی ہے جوانوں میں

نظر آتی ہے اس کو اپنی منزل آسمانوں میں

    

غ

غلامی میں نہ کام آتی ہیں شمشیریں نہ تدبیریں

جو ہو ذوقِ یقیں پیدا تو کٹ جاتی ہیں زنجیریں

    

ف

فرد قائم ربط ملت سے ہے تنہا کچھ نہیں

موج ہے دریا میں اور بیرونِ دریا کچھ نہیں

    

ق

قوم مذہب سے ہے، مذہب جو نہیں، تم بھی نہیں

جذب باہم جو نہیں، محفلِ انجم بھی نہیں

    

ک

کچھ بات ہے کہ ہستی مٹتی نہیں ہماری

صدیوں رہا ہے دشمن دورِ زماں ہمارا

    

گ

گریز کشمکشِ زندگی سے، مردوں کی

اگر شکست نہیں ہے تو اور کیا ہے شکست!

    

ل

لا پھر اک بار وہی بادہ و جام اے ساقی!

ہاتھ آجائے مجھے میرا مقام اے ساقی!

    

م

مرا طریق امیری نہیں فقیری ہے

خودی نہ بیچ غریبی میں نام پیدا کر

    

ن

نگہ بلند سخن دلنواز جاں پرسوز

یہی ہے رخت سفر میر کارواں کے لئے

     

و

وہ دانائے سبل ختم الرسل مولائے کل جس نے

غبار راہ کو بخشا فروغِ وادی سینا

    

ہ

ہزاروں سال نرگس اپنی بے نوری پہ روتی ہے

بڑی مشکل سے ہوتا ہے چمن میں دیدہ ور پیدا

    

ی

یقیں محکم، عمل پیہم، محبت فاتح عالم

جہادِ زندگانی میں ہیں یہ مردوں کی شمشیریں

   

یہ مضمون ماہنامہ "نشانِ منزل "کے اکتوبر 2023 ءکےشمارے میں شائع ہوا تھا۔

--٭٭-٭٭-٭٭--

The author can be contacted at ehsanahmed000@gmail.com